Ut Wônder begint zich langzaam te vôltrekke! Tribunes waere gebouwd, licht en geluid geinstalleerd, bühne opgebouwd. Moandig de techniek afstellen mit unne technische doorloëp, dinsdig de groëte generale en tevens media-veurstelling, mit alles d’rop en d’raan en teggen d’n dônderdig giët ut allemoal gebeure. De Première ván de Lômmse musical! Heb ge nog gen kaarte, dán is ut zaak um snel te reagere. Beej Tuincentrum Hegger in Lômm, Jos Bartels in Velden en beej Cup in Árce zien de letste 25 kaarte ván de totaal 1.100 kaarte nog te koëp! As die op zien is d’r helaas gen meugelikheid mier um dit me-j te kunne make!